Oruvanukku Oruthi
Kavalan Avan Kovalan
Hero Prabhu
Music Director Vijay Anand
Lyricist Vali
Singers Vani Jayaram,K.S.Chitra
Year 1987
Song Lyrics

ஒருவனுக்கு ஒருத்தியென
உறவுக் கொள்ள உரிமை உள்ள
வண்ணமயில் கண்ணகியும் நானே

சிலம்பின் மணி சிதற மனம் சிதற
தலைவன் அவன் திருச்சபையில்
நடனமிடும் மாதவியும் நானே

மலரெடுத்து குழல் முடித்து
மணவறையில் கரம் பிடித்த
குல மகளும் குண மகளும் இவளே

கனிகை என பேர் இருந்தும்
கணவர் என ஒருவர் வசம்
சரணடைந்த சரச மகள் இவளே

ஒருவனுக்கு ஒருத்தியென
உறவுக் கொள்ள உரிமை உள்ள
வண்ணமயில் கண்ணகியும் நானே

நான் போட்ட மாலை என்னாளுமே
நீ தீண்டக் கூடாது போடி
நாள்தோறும் மாலை உன் காவலன்
வந்தானே என் வாசல் தேடி

நாணங்கள் ஏதும் இல்லாதவள்
பெண்ணல்ல பேயல்லவோ
பசி வந்த வேளை தீர்க்காதவள்
கனியல்ல காயல்லவோ

அடுத்தவளின் குடித்தனத்தில்
இடம் பிடித்தல் முறையா
ஒரு முகத்தில் இரு விழிகள்
இருப்பதென்ன தவறா

எனக்கெனவே பிறந்தவன்டி
இடையில் என்னை கலந்தவன்டி
இனியும் இந்த விரசமென்ன
இருவருக்குள் சரசமென்ன

ஒருவனுக்கு ஒருத்தியென
உறவுக் கொள்ள உரிமை உள்ள
கண்ணின் மணி ருக்குமணி நானே

தலைவன் ரதம் நடத்த
சமர் களத்தில் வடம் பிடித்த
வனிதை இந்த பாமா எனும்
அழகு மலர் தானே

கையோடு ஏந்தும் புல்லாங்குழல்
அது போல நான் கொண்ட சொந்தம்
கண்ணான கண்ணன் பிருந்தாவனம்
எந்நாளும் பாமாவின் பந்தம்

நீராடும் கங்கை நானல்லவோ
என் போல் நீயாகுமோ
ஆனந்த வெள்ளம் நான் தானடி
யமுனைக்கு ஈடாகுமோ

எனக்கிருக்கும் உரிமையினை
பறிப்பதென்ன முறையோ
ஒரு நதியை இரு கரையும் தழுவுவது தவறோ
கடல் கலந்த நதி இதுதான்
உடன் இணைந்த விதி இதுதான்
இனியும் அந்த மயக்கமென்ன
இருவருக்குள் நெருக்கமென்ன

ஒருவனுக்கு ஒருத்தியென
உறவுக் கொள்ள உரிமை உள்ள
பருவ மகள் பொம்மி இவள்தானே
இவன் மனமறிந்து குணமறிந்து
மலர்ப்படுக்கை விரித்து வைத்த
வடிவழகி வெள்ளையம்மா நானே

தென்பாண்டி வீரன் என் மன்னவன்
நான் மட்டும் கொண்டாடும் தேவன்
நானென்ன சொல்ல என் நெஞ்சிலும்
நீங்காமல் வாழ்கின்ற ஜீவன்

நான் கொஞ்சும் மேனி என்னாளுமே
நீ கொஞ்சக் கூடாதடி
உன் மன்னன் வந்தால் எந்நாளுமே

என் வாசல் மூடாதடி
புருஷன் என்ன பலர் விரும்பும்
பொதுவுடைமை பொருளா
இரு மனைவி முருகனுக்கு
இருப்பதென்ன தவறா

மனிதரெல்லாம் இறைவனல்ல
உணர்ச்சியில்லா மரமுமல்ல
இனி எதற்கு விலகி விடு வழக்கெதற்கு

ஒருவனுக்கு ஒருத்தியென
உறவுக் கொள்ள உரிமை உள்ள
முதல் வீடு என் வீடு தானே
இரவில் நிலவெரிக்க குளிரெடுக்க
இரு கரத்தில் அரவணைக்க
சின்ன வீடு என் வீடுதானே

உலகறிய ஊரறிய அருந்ததியும் தானறிய
சம்சாரம் எந்நாளும் இவளே
அடுத்தவரும் அறியாமல்
வேறார்க்கும் தெரியாமல்
ஆனந்தம் தருபவளும் இவளே

ஒருவனுக்கு ஒருத்தியென
உறவுக் கொள்ள உரிமை உள்ள
முதல் வீடு என் வீடு தானே
இரவில் நிலவெரிக்க குளிரெடுக்க
இரு கரத்தில் அரவணைக்க
சின்ன வீடு என் வீடுதானே

பிரபு.....அன்பே.... பிரபு.....அன்பே....
பிரபு.....அன்பே.... பிரபு.....அன்பே....

COMPILED AND UPDATED BY

GEETHA KRISHNAMURTHY