Azhage Azhage
Saivam
Hero Nassar & Sara Arjun
Music Director Gv prakash
Lyricist Na. Muthukumar
Singers Uthra Unni Krishnan
Year 2014
Song Lyrics

அழகே அழகே எதுவும் அழகே
அன்பின் விழியில் எல்லாம் அழகே
மழை மட்டுமா அழகு சுடும்
வெயில் கூட ஒரு அழகு
மலர் மட்டுமா அழகு விழும்
இலை கூட ஒரு அழகு

புன்னகை வீசிடும் பார்வைகள் அழகு
வார்த்தைகள் தீர்கையில் மௌனங்கள் அழகு
நன்மைக்கு சொல்லிடும் பொய்களும் அழகு
உண்மை அதுதான் மெய்யாய் அழகு

குயில் இசை அது பாடிட
ஸ்வர வரிசைகள் தேவையா
மயில் நடனங்கள் ஆடிட
ஜதி ஒலிகளும் தேவையா

நதி நடந்து சென்றிட
வழித்துணைதான் தேவையா
கடல் அலை அது பேசிட
மொழி இலக்கணம் தேவையா

இயற்கையோடு இணைந்தால்
உலகம் முழுதும் அழகு
கவலை யாவும் மறந்தால்
இந்த வாழ்க்கை முழுதும் அழகு

அழகே அழகே எதுவும் அழகே

இதயம் ஒரு ஊஞ்சலே
இடம் வலம் அது ஆடிடும்
இன்பத்தில் அது தோய்ந்திடும்
துன்பத்தில் அது மூழ்கிடும்

நடந்ததை நாம் நாளுமே
நினைப்பதில் பொருள் இல்லையே
நடப்பதை நாம் எண்ணினால்
அதைவிட உயர்வில்லையே

பூக்கும் பூவில் வீசும்
வாசம் என்ன அழகு
அதையும் தாண்டி வீசும்
நம் நேசம் ரொம்ப அழகு

அழகே அழகே எதுவும் அழகே
அன்பின் விழியில் எல்லாம் அழகே
மழை மட்டுமா அழகு சுடும்
வெயில் கூட ஒரு அழகு
மலர் மட்டுமா அழகு விழும்
இலை கூட ஒரு அழகு

புன்னகை வீசிடும் பார்வைகள் அழகு
வார்த்தைகள் தீர்கையில் மௌனங்கள் அழகு
நன்மைக்கு சொல்லிடும் பொய்களும் அழகு
உண்மை அதுதான் மெய்யாய் அழகு

COMPILED AND UPDATED BY

GEETHA KRISHNAMURTHY