பூ மலரும் வேளையிலே
கண் மலர்ந்தாள் பெண் மயிலாள்
வாய் மலர்ந்தால் வேங்குழல்தான்
கை மலர்ந்தால் அபிநயம்தான்
கை மலர்ந்தால் அபிநயம்தான்....

காதினிக்க பேசிவிட்டீர்
கண் குளிர பார்த்துவிட்டீர்
உடல் சிலிர்க்க தொட்டு விட்டீர்
மனம் இனிக்க நான் மகிழ்ந்துவிட்டேன் ( பூ )

சொல் மலர்ந்தால் சுவை சேர்க்கும்
பெண் வந்தால் மயக்கம் தரும்
மென் மலரே நீ இப்போ
என் மலராக நீ வந்தாய்... ( பூ )

மழை வந்தால் மண் மணக்கும்
பூ விரிந்தால் வாசம் வரும்
நெய் மணந்தால் சுவை சேர்க்கும்
பெண் மணந்தால் துணை சேர்க்கும் இந்த
பெண் மணந்தால் துணை சேர்க்கும்.. ( பூ )