Madhumalar Ellam Pudhu
Kalyanam Panniyum Bramachari
Hero Sivaji Ganesan
Music Director T.G.Lingappa
Lyricist K.D.Santhanam
Singers Radha Jayalakshmi
Year 1954
Song Lyrics

மதுமலர் எல்லாம் புதுமணம் வீசி
மகிழ்ந்திடும் வசந்தகாலம்
மனதில் பசுமையும் நினைவில் இனிமையும்
வழங்கிடும் வசந்தகாலம்..ஓஓஓஓ.....(மதுமலர்)

கண்ணாடி உருகி பாய்வது போன்ற
தண்ணீரின் சலசல ஒலியும்
பண்ணோடு மலரை பாடும் வண்டின்
பாங்கான ரீங்கார இசையும்
மனதில் பசுமையும் நினைவில் இனிமையும்
வழங்கிடும் வசந்தகாலம்..ஓஓஓஓ.....(மதுமலர்)

பழமையின் உயர்வை புதிய தமிழிலே
பாடிடும் கவிஞனை போலே
அழகெனும் மெருகால் உலகினை புதுமை
ஆக்கிடும் வசந்தகாலம்
மனதில் பசுமையும் நினைவில் இனிமையும்
வழங்கிடும் வசந்தகாலம்..ஓஓஓஓ.....(மதுமலர்)

COMPILED AND UPDATED BY

GEETHA KRISHNAMURTHY